Solidaridade con Ucrania dende Salvaterra do Miño

Roi Palmás (AGARESO).- Queren axudar e saben cómo. Lonxe de Salvaterra do Miño, nun país onde o frío é unha das súas claves nacionais, un grupo de nenos, residentes en varios orfanatos, recibirán, dentro dunhas semanas, un forte abrazo dende España. É a axuda humanitaria que, nestes intres, viaxa, a bordo dun camión, camiño dun antigo país ex soviético.

A Asociación de Solidariedade de San Roque, de Salvaterra do Miño, puxo en marcha..esta iniciativa con claro obxectivo: fomentar a solidariedade cos nenos dos orfanatos, con parálise cerebral, e con todos aqueles necesitados, para paliar as súas necesidades básicas, sexan españois ou estranxeiros, cunha especial atención a Ucraína.

Segundo esta organización humanitaria, nada en 2008, a poboación civil ucraína carece de camas, aseos, mesas, vaixela para comer e os nenos necesitan roupa, calzado, xoguetes para o seu desenvolvemento, así como material escolar, pupitres.

Un dos obxectivos da Asociación consiste, precisamente, en recoller toda aquela doazón que socios ou persoas ou institucións que comparten a súa inquietude, de forma desinteresada, e entregan este material para dormitorios, centros educativos, sanitarios, ortopedia e diverso vesturario para adultos e nenos.

Os obxectos doados serán levados a Ucraína en camión e baixo a supervisión dos membros da Asociación, coa fin de asegurarnos e ter a certeza de que esta axuda chega aos necesitados e non quede requisada en dependencias aduaneiras, nin sexa obxecto de tráfico nin de revenda.

Unha cousa teñen clara: continuarán a traballar por mellorala vida deses rapaces porque aínda que a distancia sexa enorme o seu espíritu de colaboración tamén.

REPORTAXES ANTERIORES

"Eu non o repetiria. Non paga a pena."

Surcando o ceo para axudar con ALAS SOLIDARIAS

Guinea Bissau crea “A Casa da Nai” para disminuir a mortandade infantil

Cuatro gallegos siguen el camino de la solidaridad hasta Mongolia

O seu nome é X

Endulzando la mañana con Mermelada de Guayaba

A adopción especial, unha opción solidaria

A cultura do comercio xusto marca un novo ritmo en Galicia

Testemuños no primeiro comedor para parados de España

As ONGs galegas reflexionan sobre a necesidade de aplicar pautas ecoloxistas nos seus proxectos internacionais

Saúde pública ameazada pola falta de colaboración institucional en Guinea Bissau