24/06/2010

Campo de Traballo alternativo: a bioconstrucción

A ONG Amigos da Terra pon en marcha un obradoiro para aprender cómo funciona a bioconstrucción. Trátase dun campo de traballo alternativo para este verán que se desenrola no Centro de Educación Ambiental das Corcerizas (Ourense).

Os interesados só teñen que informarse na páxina web da ONG: www.amigosdaterra.net

14/06/2010
O Igadi anima a colaborar cos refuxiados de Palestina

O Instituto Galego de Análise Internacional (IGADI), entidade colaboradora do Comité Español da Axencia de Nacións Unidas para os Refuxiados de Palestina (UNRWA), coopera coa UNRWA no fomento dunha campaña de solidariedade coa infancia no territorio palestino de Gaza, baixo o lema “Os Nenos de GAZA necesitan a túa AXUDA…SÚMATE”.

Esta campaña se realiza a través da “Cadea de Axuda Humanitaria para os Nenos de Gaza” que pode seguirse a través do enlace:http://unrwace.org/boletines/cadenadeayuda.html e da páxina web: http://www.yotambienmesumo.org.

Para realizar donativos, está habilitada a web: https://secure.departamentocreativo.com/unrwa/cadena/particular

A Cadea de Axuda Humanitaria para os Nenos de Gaza consiste na construcción dunha cadea humana virtual de axuda humanitaria para mellorar as condicións de saúde, educación e alimentación dos nenos e nenas que habitan en Gaza, sometidos a un forte bloqueo por parte do Estado israelí desde 2007, e cuxas condicións empeoraron dramaticamente trala ofensiva militar israelí acaecida entre decembro de 2008 e xaneiro de 2009.

Mediante a contribución dunha pequena cantidade económica, cada membro desta cadea se converterá en axente de transporte de axuda humanitaria, así como servirá para achegar á sociedade galega a situación de precariedade e ausencia dos Dereitos da Infancia dos nenos e nenas refuxiados na Franxa de Gaza.

As restricións impostas polo bloqueo israelí contra a poboación palestina de Gaza supoñen un castigo colectivo e unha violación do Dereito Internacional e do Dereito Humanitario. O bloqueo de Gaza tamén impide o exercicio dos Dereitos Humanos para a poboación palestina alí habitante, en especial o dereito á alimentación, o dereito ao traballo e o dereito á saúde.

Deste modo, o IGADI e a UNRWA sensibilizan á sociedade galega na necesidade de contribuír pola mellora das condicións de vida da infancia en Gaza e nos territorios de refuxiados palestinos.

03/06/2010
Pontevedra convértese en escenario da exposición de MSF sobre a enfermidade esquecida

Pontevedra será escenario, ata o próximo 6 de xuño da exposición "Os enfermos esquecidos" na praza de Ourense.

Poñeraste no lugar dun enfermo de tuberculose, kala azar, Chagas, malaria, enfermidade do sono ou sida, e un profesional de Médicos Sin Fronteras explicarache cal é a túa enfermidade, por que o tratamento é tan antigo que xa non cura, ou é tan tóxico que pode provocarte graves efectos secundarios, ou é tan caro que non poderás pagalo.

Ven e saberás que está a facer Médicos Sin Fronteras para impedir que sigan morrendo 8.000 persoas cada día a causa de enfermidades que poderían curarse.

Percorrido Exposición Enfermos Esquecidos

Entrada gratuíta.

Dende Pontevedra viaxará a Xixón (10 ao 13-06-10 Pº de Begoña)
Do 17 ao 20-06-10 en Logroño (Pl. do Mercado)
Do 24 ao 27-06-10 en San Sebastián (Pl. de Guipúscoa)

23/05/2010

PRESENTACIÓN DE “MILU”, DE MANUEL RIVAS E AITANA CARRASCO, UN LIBRO SOLIDARIO COA FUNDACIÓN MENIÑOS

A Convención sobre os Dereitos da Infancia recoñece que todos os nenos e nenas teñen dereito a medrar nunha familia. Sen embargo, en España hai máis de 15.000 rapaces que carecen dese dereito e viven en centros de menores, moitos deles sen apenas contacto coas súas familias biolóxicas. Nos seus 14 anos de traxectoria, a Fundación Meniños atendeu unhas 6.000 familias e uns 9.000 menores, dos cales un milleiro pertencen ao balance de actuacións do pasado ano. Como dixo Manuel Rivas na presentación de “Milu”, a Fundación Meniños é “un lugar onde se produce harmonía, un lugar de rescate, de esperanza”.

01/05/2010

Aberto o Curso de Cooperación sobre o Terreo de Asamblea de Cooperación Pola Paz

agareso

Asamblea de Cooperación Por la Paz mantén aberto o prazo de inscripción nos Cursos de Cooperación sobre o Terreo por decimo terceiro ano consecutivo organizamos os Cursos de Cooperación sobre o Terreo, en Palestina e Israel, Marrocos, Tunisia, Senegal, Guinea Bissau, República Dominicana, Honduras, O Salvador - Guatemala e Haití (onde se amosará cómo se traballa ante unha catástrofe natural, cómo se coordina a axuda de emerxencia no país e cómo afectan os desastres medioambientais no desenvolvemento).

Durante os cursos, os/as participantes conviven con comunidades do Sur, coñecen os seus problemas a as súas condicións de vida, comproban que as ONGDs e comunidades do Sur coas que traballamos son as verdadeiras protagonistas do traballo en cooperación e manteñen reunións coas institucións financiadoras. En suma, comprenden para qué sirve o traballo en cooperación e qué pode cambiar. Estes cursos (xullo, agosto e setembro), que ofrecen aos participantes unha formación teórica e práctica, teñen como principal obxectivo a sensibilización e promover un tipo de turismo alternativo, dando a coñecer a realidade destes lugares fora dos circuítos turísticos tradicionais. O seu regreso, os/as participantes continúan implicados nos nosos proxectos e contan a súa experiencia en charlas, medios de comunicación e materiais didácticos.

Pode ler máis ao respecto na nosa sección sobre os cursos e na Web, http://www.acpp.com/CCsT.htm (verá que hai un vídeo, que lle recomendo) ou contactar con Sandra Dacosta no correo electrónico galicia@acpp.com

01/05/2010

Aberto o Curso de Cooperación sobre o Terreo de Asamblea de Cooperación Pola Paz

agareso

Amigos da Terra presenta o curso-práctico de "Comunicación e Cooperación ao Desenvolvemento", dirixido a ONGD´s, medios de comunicación e outros axentes de cooperación e que terá lugar os vindeiros 24 e 25 de abril no Centro de Educación Ambiental As Corcerizas.

O obxectivo do curso é dotar ás ONGD´s e axentes de cooperación das ferramentas axeitadas para poder mellorar a comunicación nas súas organizacións, poñendo como exemplo práctico, aplicable a outras ONGD´s, a experiencia do proxecto de colaboración posto en marcha entre Amigos da Terra e a Asociación Galega de Reporteiros Solidarios (AGARESO).

Para participar no curso, reenviar a ficha de inscrición cuberta a :

comunicacion@amigosdaterra.net .

O curso é gratuíto para os/as asistentes, así como o aloxamento e manutención en As Corcerizas. Non se inclúe o desprazamento. Entregarase certificado de asistencia.

XORNADAS INTERNACIONAIS “DEREITOS HUMANOS LABORAIS: NOVAS INICIATIVAS NA SÚA DEFENSA”

AMARANTE Setem e a UNIVERISADE DE SANTIAGO DE COMPOSTELA organizan as Xornadas Internacionais “Dereitos humanos laborais: novas iniciativas na súa defensa” que terá lugar os vindeiros 23, 24 e 25 de abril no Auditorio da Facultade de Ciencias da Comunicación no Campus Norte da USC. Conta asemade cun crédito de libre configuración para estudiantes.

Obxectivo:

Visibilizar e reflexionar sobre as dificultades de garantir os dereitos humanos laborais nun contexto de economía neoliberal globalizada, e o impacto que teñen as empresas transnacionais nas economías locais e nas persoas traballadoras tanto do Norte como no Sur; e dar a coñecer iniciativas innovadoras que se están a realizar dende distintos ámbitos da sociedade civil como ONGs, profesorado, sindicatos e organizacións sociais para ir cara a súa garantía e cumprimento.

Resume das xornadas:

O primeiro día farase unha análise e contextualización do impacto da deslocalización e as dificultades para facer cumprir os dereitos humanos e laborais para no segundo día analizalo a través dun sector concreto, o do téxtil, co impacto en Galicia e o impacto nos países empobrecidos. Onde se presentará por primeira vez a iniciativia Salarios dignos en Asia, unha iniciativa inédita de loita e unión de moitas organizacións de 8 países en Asia para frear os abusos da liberación comercial, que condea a miles de mulleres a traballar por menos de 25 euros ó mes, como é o caso de Bangladesh. Pecharemos o domingo cunha das citas obrigadas do ano o Tribunal Permanente dos Pobos que se celebraán en maio en Madrid.

Nestas xornadas tamén participaron na organización a Campaña Roupa Limpa e a Federación Setem.

Axuntamos o programa completo onde agradecemos a tódalas persoas a súa participación gratuíta profesorado, centros de investigación, sindicatos, traballadoras, empresas e colectivos sociais.

Programa

O Grove celebra o Día Internacional da Muller cunha exposición sobre a loita contra a fame en África

O concello de O Grove celebra o Día Internacional da Muller cunha exposición sobre a loita contra a fame en África que se poderá ver todo este mes na Casa da Cultura do municipio.

Esta mostra reflicte a convivencia das mulleres africanas coa fame. A mostra, da fotógrafa e cooperante Marina Espriu, reflicte o paradoxo que sofren as mulleres en África ao ser vítimas da fame e motor do desenvolvemento das súas comunidades.

Mulleres que camiñan con bidóns de auga durante horas, nenos desnutridos que se aferran aos peitos das súas nais, pequenas que moen con forza o paínzo das súas familias... "MAMÁ HAMBRE" é un percorrido en imaxes pola relación que miles de mulleres teñen a diario coa fame en África. Todas elas foron captadas pola cámara fotográfica de Mariña Espriu, cooperante en Angola de Acción contra el Hambre.

Espriu tratou de expresar nestas instantáneas a dureza desta relación pero tamén a enorme forza coa que estas mulleres arrepor á fame, destacando o seu papel no núcleo familiar e a súa crucial achega, a miúdo invisible, ao desenvolvemento das súas comunidades. Sete de cada dez persoas con fame en África son mulleres.

Acción contra el Hambre, en colaboración coa Fundación "a Caixa", quixo renderlles homenaxe no Día Internacional da Muller recordando aos visitantes da mostra o papel esencial que xoga a muller nos países máis pobres: elas alimentan os seus fillos dende que nacen, a través da lactación, e durante a infancia, garantindo a comida diaria a través dos alimentos que cultivan. Elas son as protagonistas da loita contra a fame.

Curso - práctico de comunicación e cooperación ao desenvolvemento

'Implicadas no desenvolvemento' durante máis dunha década

A Escola Oficial de Idiomas de Vilagarcía de Arousa acolle a exposición “10x10 Implicadas" para dar a coñecer á cidadanía da contorna o traballo desta ONG e a súa traxectoria desde a súa fundación en 1998.

Implicadas/os no Desenvolvemento basea o traballo no trato de igual a igual coas comunidades do sur, o enfoque de xénero e a independencia das decisións tomadas dende Galicia no campo da cooperación. No ano 2008 celebrou 10 anos de traballo continuado e crecente tanto na sensibilización, presión política e cooperación ao desenvolvemento.

Foi no marco desde aniversario no que nace a exposición '10x10 Implicadas', co obxecto de abrir as portas a que a cidadanía coñeza o labor realizado neste tempo e atope vías de expresión axeitadas para a resolución da pobreza.

A cultura da soberania alimentar dos pobos como un dereito universal

A Soberania Alimentar é o eixo central das xornadas que se celebran en Galicia, os días 27 e 28 de Febreiro, en Santiago de Compostela. As Xornadas Galegas de Soberanía Alimentar, organizadas pola ISAP (Iniciativa pola Soberanía Alimentar dos Pobos) serán albergadas no Salón de Actos da Faculdade de Filosofía da USC, situada na Praza de Mazarelos. Neste mesmo lugar, ademais, podrá coñecerse os elemenetos que compoñen unha Feira pola Soberanía Alimentar. A cita está programada para o domingo 28 deste mes.

Solidaridade de 'Pontevedra con Haití'

Redacción (Agareso).- A reacción da sociedade civil a través da rede fai emerxer unha corriente de solidaridade activa co país maís pobre de centroamérica, azotado por varios seismos de elevada magnitude durante este mes de Xaneiro. A crise humanitaria en Haití detona o xurdimento, en Pontevedra, dunha iniciativa cidadá co obxectivo de contribuír no máximo posible neste momento de emerxencia do pobo haitiano. Unha interesante proposta de cultura musical pretende concienciar o maior número de persoas para fortalecer as liñas de axuda humanitaria.

Esta inicativa xurde nun grupo creado na rede social facebook que se movilizou para crear un concerto solidario na provincia de Pontevedra a favor de Haití. En menos de 48 horas superaronse os 2.000 seguidores que mostraron a súa solidariedade co acto e a súa intención de participar activamente no proxecto contribuíndo con actuacións de grupos musicais ou cedendo obras de arte que se podan vender ou subastar durante a celebración do evento; ou simplemente cedendo o seu tempo libre para organizar todo o necesario na execución do acto. Esta implicación da xente anima a seguir adiante sen máis presuposto que a solidariedade de todo aquel que queira colaborar.

O concerto solidario: 'Pontevedra con Haití' celebrarase o vindeiro 6 de febreiro. Aínda así, esta inicativa precisa da involucración de tódalas empresas da provincia que de xeito altruíta queiran colaborar. Todas as axudas son ben recibidas, pero neste intre o que máios urxe é a cesión do equipo de luz e son como do escenario para o evento. A organización é consciente dos altos custos do aluguer destes equipos, pero a inexistencia dun orzamento obriga a cubrir as necesidades da celebración do concerto de xeito gratuíto.

Todos os beneficios destinaranse á Cruz Roja Española para a causa de Haití, por ser unha das organización internacionais máis serias no seu traballo e que contan con experiencia en terreo.
Todo aquel que queira poñerse en contacto coa organización poderá facelo a través do correo electrónico conciertosolidario@hotmail.com ou entrando na páxina de Facebook Concierto Solidario: "Pontevedra con Haití".
Actualmente contan con 3178 miembros, en menos dunha semana de fundado.

Galicia celebra o Día Escolar Pola Paz

O Seminario Galego de Educación para a Paz celebra o DÍA ESCOLAR POLA PAZ o próximo 30 de Xaneiro, no Aniversario da morte de Gandhi aínda que como nesta ocasión cadra Sábado, as celebracións desenrolaranse ó día 29, venres.

Na web podes atopar tamén a Unidade Didáctica proposta para este ano e que titulamos "Sobre os dereitos e as responsabilidades de nenas, nenos e adolescentes", con información detallada, os textos da Declaración e da Convención dos dereitos da infancia e diversas actividades de centro e de aula. Tamén podes atopar o cartel conmemorativo e a carpeta, así como un cartel específico (adxunto), feito por Fausto Isorna, sobre o XXV Aniversario do Seminario Galego de Educación para a Paz (1985-2010).

Proxectos de Agareso na Escola de Arte Superior e Deseño en Lugo

Unha delegación de Agareso exporá varios proxectos visibilizados durante o último ano na Escola de Arte Superior e Deseño 'Ramón Falcón' de Lugo. Con esta mostra oral, fotográfica e audiovisual, preténdese achegar aos futuros profesionales da comunicación e imaxen os froitos da solidaridade, a través dos plans de cooperación e a axuda humanitaria galegos. O acto terá lugar este vindeiro xoves, a partir das seis do xeran.

O reporteiro de Agareso José Augusto Mendonça logra o segundo posto no concurso literário "José Carlos Schwartz"

Agareso (Redacción).- O xornalista de Guinea-Bissau e colaborador da organización Agareso en Guinea-Bissau, José Augusto Mendonça foi distinguido en segundo lugar no concurso literario versión 2009 "José Carlos Schwartz", que organiza anualmente a Embaixada de Brasil naquel país de Costa Occidental de África.

A cerimonia de entrega dos premios, á que, desgraciadamente, non asistiu ningún gobernante de Guinea-Bissau ligado á área de cultura, tivo lugar na Embaixada de Brasil na capital Bissau e contou coa presenza de numerosas persoas e familiares dos escritores participantes.

Mendonça, que xa gañara este concurso no ano 2006 co conto "O Profanador", se vió este ano relegado ao segundo posto cun conto cuxo título é "A traxedia da Ponte Cibe", cuxa historia baséase na historia dunha ponte que serviu de liña divisoria entre os bandos enfrontados durante a guerra civil do 7 de Xuño de 1998 en Guinea-Bissau.

Gustaríame un día ver publicado un libro meu, confesou á prensa o mozo escritor que aproveitou para dedicar o premio os seus dous fillos (un de 9 e outro de 18 meses de vida) e a súa esposa, así como amigos e colegas que dunha forma ou outra permitiron con que hoxe o seu sono se volvese realidade.

Os vencedores recibiron prémios por valor de máis de 550 dólares para o 1º lugar, 400 dólares para o segundo lugar e 200 dólares para o 3 lugar cada categoría.

De Galicia ao Sahara: Redondela

AGARESO e Pelu Vidal invitanvos na Casa da Torre de Redondela (Pontevedra) a exposición fotográfica sobre as vivencias de dous cativos Saharauis do campo de refuxiados de Tinduf, Jadidja e Salama, as imaxes amosan as suas experiencias coas familias de acollida en Galicia e nos seus fogares no deserto.

Estes nenos enfróntanse aos contrastes na aparencia irreconciliables entre a vida nunha 'jaima' dos campos de refuxiados do Sahara alxerino e unha casa con todas as comodidades de Sanxenxo (Pontevedra)

CONCIERTO SOLIDARIO ONG Tierra de Hombres en A Coruña

O próximo día 16 de Decembro ás 20 h terá lugar no Teatro Rosalía da Coruña un Concerto Solidario a cargo do Conservatorio Pofesional de Música da Coruña.

Este concerto será a beneficio do proxecto "Viaxe cara á Vida" da ONG Terra de Homes.

Neste concerto actuarán o Grupo de Percusión Attacca, o Coro Infantil e a Orquestra Sinfónica do Conservatorio.

O custo das entradas é de 6 €, podendo adquirirse nos propios despachos do teatro o mesmo día ou con antelación nos despachos da Praza de Ourense.

Existe tamén a posibilidade da FILA CERO: 2091 0042 16 3040013728.

Pedalada contra o cambio climático

Rede Galega Anticapitalista (Ra!) organiza unha pedalada colectiva contra o cambio climático o vindeiro sábado 12 de decembro, Día de Acción Global contra o cambio climático.

Saída as 12:00 dende a Alameda. Compostela

Trae bucina, timbre, chifres . . .e a túa bicicleta decorada!

MANIFESTO

12 de decembro. Día de Acción Global contra a mudanza do clima

A mudanza climática é a cara máis preocupante dunha crise socioambiental global que afunde as súas raíces no produtivismo e no consumismo. Un problema cuxos principais responsábeis son os gobernos e as transnacionais dos países enriquecidos, xunto coas institucións internacionais do Banco Mundial, o Fondo Monetario Internacional e a Organización Mundial do Comercio, mais que golpea primeiro e máis forte ás persoas máis pobres.

Queda xa pouco tempo para prevenirmos unha mudanza climática catastrófica. O Cumio do Clima de Copenhague non pode fracasar, malia os intentos de boicot dos EUA. É urxente acadar un acordo legalmente vinculante de redución das emisións de dióxido de carbono (CO2) e outros gases causantes do cambio climático que substitúa o Protocolo de Quioto a partir de 2013. Pero non vale calquera acordo. Precisamos un que recoñeza a Débeda Climática dos países enriquecidos cos empobrecidos, causada polo seu exceso de emisións históricas e actuais desestabilizadoras do clima, débeda que fai parte da máis ampla Débeda Ecolóxica.

A Rede Anticapitalista únese desde Galiza á xornada global de mobilización contra a mudanza climática do 12 de decembro. Faino defendendo os tres “c” do principio da Xustiza Climática: contracción (redución) das emisións mundiais; converxencia nas emisións por habitante; e compensación dos gobernos e transnacionais que son responsábeis da crise climática aos que sufren as súas consecuencias.

A Rede Anticapitalista reivindica:

1. Unha redución do 40% das emisións dos países desenvolvidos en 2020 a respecto dos niveis de 1990. Esta diminución deberá realizarse no territorio de cada país, sen recorrer aos mercados de carbono. Para metade de século a redución das emisións debería ser do 100%.

2. A adopción por parte da Xunta e dos Concellos de planos para reducir drasticamente as emisións galegas de gases de invernadoiro. As nosas emisións por habitante de CO2 procedente da queima de combustíbeis fósiles son dúas veces e media superiores ás chinesas e multiplican case por nove as da India.

3. Unha rápida e potente implementación de solucións apropiadas á crise climática, como o aforro enerxético; o desenvolvemento das enerxías renovábeis de forma descentralizada e respectuosa co territorio para substituír os combustíbeis fósiles; a promoción dos modos transporte sustentábel e a desincentivación dos que non o son; a soberanía alimentar e a agroecoloxía; ou o consumo responsábel. Rexeitamos solucións falsas e contraproducentes como a enerxía nuclear, os agrocombustíbeis ou as plantacións de eucalipto.

4. O financiamento e a transferencia de tecnoloxía desde os países enriquecidos aos empobrecidos para que constrúan economías baixas en carbono, se adapten aos efectos negativos da mudanza climática que xa son inevitábeis e reduzan a deforestación. Estamos convencidos de que a salvación do clima non virá dun imposíbel “capitalismo verde”. O crecemento indefinido da produción e o consumo é inherente ao sistema económico capitalista e non pode ser soportado por un planeta finito. Estamos a chocar contra os límites ambientais. Para solucionarmos de forma efectiva e xusta o cambio climático e os demais problemas socioambientais, en último termo, é necesaria unha transformación radical do modelo de produción e consumo para tornalo equitativo e sustentábel. Iso implica que nos países enriquecidos debemos apostar polo decrecemento e abandonar a ilusión do “crecemento sustentable”.

A Rede Galega Anticapitalista somos Adega, Altermundo, Amarante, A Baiuca Vermelha, Asociación Cultural O Curruncho, Cemma, CGT-Pontevedra, CGT-Arousa Colectivo Ártabra 21, C.S. A Esmorga, Enxeñería Sen Fronteiras, A Gentalha do Pichel, Implicadas no Desenvolvemento, Médicos do Mundo, Marcha Mundial das Mulleres, Ospaaal, Foro de Inmigración, Panxea, Ais ‘O Peto’, Sindicato Labrego Galego, Sinerxia, STEG (Sindicato e Traballadores e Traballadoras do Ensino de Galiza), Veciñ@s pola Tolerancia, Verdegaia, Véspera de Nada, Veterinarios sen Fronteiras, Whipala, A.C. Xermolos

AGARESO ante a sociedade pontevedresa

A ONG Agareso (Reporteiros Galegos Solidarios) preséntase en Pontevedra o próximo xoves, ás oito e media da tarde no Teatro Principal.

Durante o evento, ademais, poderase disfrutar da proxección do primeiro documental realizado polos xornalistas da organización: “100% mujer”.

Trátase dunha reportaxe audiovisual na que se intenta plasmar a realidade da muller marroquí, e, en especial, das que traballan no sector do textil en Tánxer, un eido no que as empresas españolas deslocalizadas teñen moita responsabilidade social.

A través da historia de varias destas mulleres podemos facernos unha idea de cómo é a vida para elas no país magrebí, da explotación á que están sometidas e da situación de opresión masculina na que viven. O documental foi realizado en colaboración coa ONG Amarante.

Agareso aproveitará este evento para darse a coñecer a toda a sociedade pontevedresa, xa que, ademáis, o remate da proxección, desenrolarase unha mesa redonda na que se falará sobre a implicación dos medios no xornalismo solidario e social.