|
|
Amnistía Internacional suspende as universidades españolas en dereitos humanos
Máis dun millón de universitarios españois non teñen acceso a ningunha materia sobre dereitos humanos de carácter obrigatorio. Así detectouno o informe ‘As Universidades españolas, á cola de Europa en formación obrigatoria en dereitos humanos' que presentou Amnistía Internacional (AI) en Madrid.
(21-05-2008) Redacción/AGARESO.- A organización internacional revisou 300 plans de estudo de trece países e territorios europeos que demostran o “escaso compromiso” cos dereitos humanos na educación superior tanto no Estado español como nos seus países veciños.
Amnistía salienta o exemplo da carreira de Medicina, que, aínda que está destinada a formar a profesionais encargados de identificar e atender a vítimas de tortura, malos tratos, violencia de xénero e outras violacións de dereitos humanos, ningún dos plans de estudo conta con materias de dereitos humanos, nin obrigatorias nin optativas.
Dentro do contexto europeo analizado, o Estado español atópase no bloque de países que menos interese otorgan aos dereitos humanos na formación universitaria, segundo as tendencias detectadas por Amnistía Internacional. Só catro dos trece países e territorios europeos tomados como referencia salientan por potenciar a presenza de materias obrigatorias de dereitos humanos: Inglaterra, con dez materias; Portugal, con oito; Bélxica, con sete; e Francia con cinco.